تلميحات

Saturday, May 21, 2016

سافر: الغردقة للمتزوجين ...خطط ليها بنفسك من الألف للياء (الجزء الأول)

ده متجرب عن الغردقة لاتنين متجوزين و بسعر إلى حد ما مناسب ... لخصت فيه خبرتى مع مراتى عن الرحلة اللى استمتعنا بيها جدا و كانت مراتى حامل بالمناسبة ... الميزة اننا اللى مخططينها من الألف إلى الياء.


الاقامة:
حجوزات فنادق Booking.com على الأنترنت
تم استخدام موقع بوكينج ، و تم الحجز أون لاين ... قمنا بالبحث فى جميع الفنادق ذات شاطئ و الغرف تطل على البحر:

**ملحوظة: لو حجزت من Bookingو طلب منك أنك تأكد بالفيزا متنساش تخش على حسابك بعد متحجز الفندق عشان تدخل الكود السرى بتاع كارت الفيزا بتاعك

** ملحوظة تانية: فيه فنادق من على Booking ممكن تحجزها من غير كارت فيزا .... دور على اختيار و انت بتبحث فى الفنادق على No payment.

==أضف إلى معلوماتك: فى شركات بتنزل عروض على الفيس بوك بتديك أسعار إلى حد ما أرخص ، شوفها الأول و قارنها بـBooking مش لازم يكون أرخص.... شوف دول:

الانتقال:
بالنسبة لينا كنا مسافرين بالعربية ، و دى ليها ميزة و عيب... عيبها ان الطريق طويل شوية ، لكن ميزتها انها هتفيدك جدا فى الفسح هناك.
شوف ده ملخص الطريق كله : https://goo.gl/1vbNiJ
و ده الطريق على google maps: https://goo.gl/maps/5PHJ1Sm6SC12
**خد بالك من الرادار.
ممكن برده تسافر طيران ، خش على Egyptair  بس هتلاقى ارخص مواعيد الصبح بدرى يا متأخر أوى.

الأكل و الشرب:
ممكن و انت بتحجز الفندق تحجز فطار فى الفندق و فيه فنادق لازم كده كده تحجز All-inclusive، و برده الغردقة فيها سوبرماركت كتير زى مترو ز كارفور و أولاد رجب إلى جانب البقالات الصغيرة ، ممكن تجهز الأكل طيارى كده عشان مياخدش منك وقت .... وبرده فيه مطاعم تيك أواى فى الغردقة مش وحشة إلى جانب مطاعم سمك ( الصراحة أنا ماليش فى السمك مش هأقدر أفيدك).
المزارات:
و دى بقى تبقى الكنز فى الرحلة ☺ ... أحلى حاجة فى الغردقة بعد البحر طبعا، و هنخش فى الموضوع على طول:
Mini Egypt Park
بارك كبير فيه مجسمات لكل حتة فى مصر ... أهرامات ... كوبرى السلام... باب الخلق
Website
Facebook
تقرير
Map
الأسعار
50 جنيه مصرى للمصريين
ملاحظات
خد معاك شمسية و مياه
ممكن تحجز غدا هناك برده

Hurghada Grand Aquarium
أحواض فيها أسماك من كل صنف و نوع و حديقى حيوان صغيرة
Website
Facebook
تقرير
Map
الأسعار
120 جنيه للمصريين
ملاحظات
حلو جدا.... متنساش تسال على ميعاد عرض اطعام القروش
خلى حد من المصورين هناك يصورك صورة حلوة .... مش غالية.

Escape Room
تجربة جديدة لحل لغز و بتحاول تخرج لو حليته
Website
Facebook
تقرير

Map
First floor – Esplanada Mall – ElMemsha
الأسعار
100 جنيه للمصريين
ملاحظات
تجربة جديدة لو انت مجربتش ... مش بننصح للناس اللى بتخاف للأماكن المغلقة
اتصل احجز ميعاد قبليها

Dolphin World Egypt
عرض دولفين ظريف
Website
Facebook
تقرير
Map
الأسعار

ملاحظات
خد معاك ميه و شمسية ... و اتصل اسال على العروض قبل متحجز

Sand City
مدينة لعرض تماثيل من الرملة
Website
Facebook
تقرير
Map
الأسعار

ملاحظات
مدخلها مش هتلاحظه بسهولة شوية

ده الجزء الأول ... استنونا فى الجزء التانى الأسبوع اللى جاى ان شاء الله

No comments:

Post a Comment